សាខាកាកបាទក្រហមកម្ពុជា ខេត្តព្រះសីហនុ បើកវគ្គបង្រៀន វិជ្ជាសង្គ្រោះបឋម ដល់វិស័យឯកជន

សាខាកាកបាទក្រហមកម្ពុជាខេត្តព្រះសីហនុ ដោយមានការយកចិត្តទុកដាក់ខ្ពស់ពីសំណាក់ថ្នាក់ដឹកនាំរបស់រោងចក្រ ហ័រហ្សូ ស៊ីធីដុងមីង លេឌើរវែរ (ខេបូឌា) ខមភេនីលីមីធីត ស្ថិតនៅក្នុងតំបន់សេដ្ឋកិច្ចពិសេស ខេត្តព្រះសីហនុ(បិតត្រាំង) ឃុំបិតត្រាំង ស្រុកព្រៃនប់ ខេត្តព្រះសីហនុ ដែលបានគិតគូរ ពីសុខភាពកម្មករ កម្មកានី លោកបានអញ្ជើញ សាខាកាកបាទក្រហមខេត្ត ដឹកនាំដោយលោក ចេង ម៉ីន ជាគ្រូបង្រៀនវិជ្ជាសង្គ្រោះបឋម និងក្រុមការងារបង្រៀន វិជ្ជាសង្គ្រោះបឋមបង់ថ្លៃរយៈពេលពីរថ្ងៃ ពីថ្ងៃទី ១៨ .១៩ ខែឧសភា ឆ្នាំ២០២២ ដែលមានបុគ្គលិក កម្មករ កម្មកានី រោងចក្រ ចូលរួមសរុបមាន ចំនួន ២០នាក់ ស្រ្តី ១៣នាក់ ។ គោលបំណងក្នុងការបណ្តុះ បណ្តាល គឺចង់ឲ្យពួកគាត់ទទួលបាននូវ វិជ្ជាសង្គ្រោះបឋមមួយថ្មី ហើយមានប្រសិទ្ធភាព ក្នុងការជួយដល់កម្មករ កម្មកានី ពេលមានបញ្ហា គ្រោះថ្នាក់ដោយចៃដន្យទាំងក្នុងរោងចក្រ និងទាំងក្នុងសហគមន៍ផងដែរ ។
ឆ្លៀតក្នុងឨកាសនោះលោកចេង ម៉ីន ក៏បានផ្សព្វផ្សាយស្ដីពី ប្រវត្តិចលនាកាកបាទក្រហម អឌ្ឍចន្ទក្រហម ច្បាប់មនុស្សធម៌អន្តរជាតិ គោលការណ៍គ្រឹះទាំង៧ ជូនដល់បងប្អូន កម្មករ កម្មកានីរោងចក្រដើម្បីអោយយល់ដឹងកាន់តែច្បាស់អំពីសកម្មភាពរបស់កាកបាទក្រហមកម្ពជា។
ក្នុងនោះដែរ តំណាងរោងចក្រ និងសិក្ខាមបានវាយតម្លៃ និងពេញចិត្តក្នុងការទទួលបានចំណេះថ្មីដ៏មានសារៈសំខាន់នេះ ដើម្បីជួយ សង្គ្រោះកម្មករក្នុងរោងចក្រតាមលទ្ធភាពដែរអាចជួយបាន និងផ្សព្វផ្សាយបន្ត  ៕