យុវជនកាកបាទក្រហមកម្ពុជា វិទ្យាល័យព្រែកប្រសព្វ ចំនួន៥១នាក់ ទទួលបានវគ្គបណ្តុះបណ្តាលមូលដ្ឋាន
យុវជនកាកបាទក្រហមកម្ពុជា វិទ្យាល័យព្រែកប្រសព្វ ចំនួន៥១នាក់ ទទួលបានវគ្គបណ្តុះបណ្តាលមូលដ្ឋាន។
ដោយមានការយកចិត្តទុកដាក់ ទំនុកបំរុងដ៏ខ្ពង់ខ្ពស់របស់ឯកឧត្តមប្រធានគណៈកម្មាធិការសាខា ចំពោះយុវជន និងអ្នកស្មគ័្រចិត្តកាកបាទក្រហម ដែលជាឆ្អឹងខ្នងដ៏រឹងមាំនិងមិនអាចខ្វះបានរបស់ចលនា និងគោរពតាមអនុសារណៈយោគយល់រវាងក្រសួងអប់រំយុវជននិងកីឡា និងកាកបាទក្រហមកម្ពុជា ដោយមានការគាំទ្រ និង សហការពីមន្ទីរអប់រំយុវជននិងកីឡាខេត្ត និងលោកនាយកវិទ្យាលយ័ ព្រែកប្រសព្វព្រមទាំងទីប្រឹក្សាយុវជនកាកបាទក្រហមប្រចំាវទ្យាល័យ នៅព្រឹកថ្ងៃសៅរ៍៨រោច៩ ខែផល្គុន ឆ្នាំឆ្លូវ ត្រីស័ក. ព.ស.២៥៦៥ ត្រូវនឹងថ្ងៃទី ២៦ខែមីនា ឆ្នាំ ២០២២នេះ សាខាកាកបាទក្រហមកម្ពុជា ខេត្តក្រចេះ ដឹកនាំដោយលោកស្រី ប្រាក់សុភាព នាយិការងសាខា បានដឹកនាំក្រុមប្រតិបត្តិសាខា ចុះបើកវគ្គបណ្តុះបណ្តាលមូលដ្ឋាន ជូនដល់យុវជននិងទីប្រឹក្សាយុវជនកាកបាទក្រហមកម្ពុជា វិទ្យាលយ័ព្រែកប្រសព្វចំនួន ៥១ នាក់ស្រី ៣៥នាក់ ស្តីពីការយល់ដឹងអំពីចលនាកាកបាទក្រហម,វិជ្ជាសង្គ្រោះបឋម និងក្លឹបយុវជនកាកបាទក្រហមដោយមានការអញ្ជើញចូលរួមជាគណៈអធិបតីក្នុងពីធីបើកវគ្គមានលោកស្រី សុខ សូផាតប្រធានគណៈកម្មាធិការអនុសាខាស្រុកព្រែកប្រសព្វនិងលោកសឿឡូញប្រធានការិយាល័យអប់រំយុវជននិងកីឡាស្រុកព្រែកប្រសព្វផងដែរ។វគ្គបណ្តុះបណ្តាលធ្វើឡើងក្នុងគោលបំណង៖ ទី១. អោយយុវជនបន្ទាប់ពីទទួលបានវគ្គបណ្តុះបណ្តាលនាពេលនេះ អាចមានសមត្ថភាពយកទៅអនុវត្តជាក់ស្តែងនៅក្នុងសាលារៀន និងសហគមន៍ និងផ្សព្វផ្សាយបន្តដល់យុវជនដទៃ។និងគោលបំណងទី២ .ជុំរុញលើកទឹកចិត្តយុវជន អោយចេះគ្រប់គ្រង និងចាត់ចែងការងារ ដើម្បីក្លាយជាអ្នកដឹកនាំប្រកបដោយប្រសិទ្ធភាពនាពេលអនាគត់ ៕