សាខាកាកបាទក្រហមកម្ពុជា ខេត្តកំពង់ធំ ផ្សព្វផ្សាយវគ្គ មូលដ្ឋាន គោលការណ៍គ្រឹះ ចលនាកាកបាទក្រហម

សាខាកាកបាទក្រហមកម្ពុជា ខេត្តកំពង់ធំ បានផ្សព្វផ្សាយវគ្គមូលដ្ឋានស្តីពីគោលការណ៍គ្រឹះ របស់ចលនាកាកបាទក្រហម អឌ្ឍចន្ទក្រហម រួមទាំងគោលនយោបាយយុវជនកាកបាទក្រហមកម្ពុជា និង វិជ្ជាសង្គ្រោះបឋម ជូនដល់យុវជនកាកបាទក្រហមកម្ពុជាទើបជ្រើសរើសថ្មី ក្រោមការដឹកនាំសម្របសម្រួលដោយមន្ត្រីសាខា ដែលមានការចូលរួមសហការពីមន្ត្រីមន្ទីរអប់រំយុវជន និងកីឡាខេត្តកំពង់ធំ។ ទីប្រឹក្សាយុវជន និង យុវជនកាកបាទក្រហមកម្ពុជា ចូលរួមសរុប ១៤៦នាក់ (ស្រី១១៩នាក់) នៅវិទ្យាល័យ ហ៊ុនសែន សណ្តាន់ ស្រុកសណ្តាន់ និងវិទ្យាល័យទួលក្បិល ស្រុកកំពង់ស្វាយ។

វគ្គផ្សព្វផ្សាយបណ្តុះបណ្តាលនេះមានគោលបំណង ដើម្បីពង្រឹងនិងពង្រីកសមត្ថភាពដល់យុវជនកាកបាទក្រហមកម្ពុជាបានយល់ដឹងពីប្រវត្តិចលនាកាកបាទក្រហម អឌ្ឍចន្ទក្រហម ច្បាប់មនុស្សធម៌អន្តរជាតិ គោលការណ៍គ្រឹះទាំង៧ គោលនយោបាយយុវជនកាកបាទក្រហមកម្ពុជា និងវិជ្ជាសង្គ្រោះបឋម ដើម្បីចូលរួមក្នុងសកម្មភាពការងារមនុស្សធម៌ និងធ្វើការផ្សព្វផ្សាយបន្តទៅដល់សាលារៀន មិត្តភក្តិ និងសហគមន៍រៀងៗខ្លួនផងដែរ៕